Under ein stor folkemusikkonsert Arendal kommune arrangerte på Vigeland i Arendal søndag 27. august kunne Vilhelm Krag-selskapet overraske Kirsten Bråten Berg med diplom og 5.000 kr som årets vinnar av Krag-prisen.
Kirsten Bråten Berg har i mange år, heilt sidan ho som heilt ung dansa og song i Austegdelaget i Arendal, vore ei viktig stemme i norsk folkemusikk. Ho har halde konsertar aleine, saman med andre folkemusikarar, har vore på internasjonale turnéar med jazzmusikaren Arild Andersen, leia viktig danseopplæring for dei yngste i Valle, og gitt ut mange plater og cd-ar både aleine og saman med andre.
Kirsten Bråten Berg har gitt ut nesten 20 plater, og i tillegg har ho vore med på nesten 100 (!) plater med andre musikarar innanlands og utanlands.
– Vi har gleda av å overrekke årets pris til ein sølvsmed med gullstrupe, sa Alf Kjetil Igland og Jan Kløvstad i Vilhelm Krag-selskapet.
Artikkelen er publisert på sideblikk.agderposten.no.