Nyrydda løype til Arendals høyeste punkt

– Nå er det merka og rydda sti til Arendals høgaste punkt, Høgsteinsheia cirka 270 meter over havet.

Det skriver Jan Kløvstad som har sendt oss denne artikkelen via sideblikk.agderposten.no.

PÅ TOPPEN: På Arendals høgaste punkt står det ein liten varde. Tarjei Tverråen (til venstre) og Svein Sivertsen er framme etter ferdig rydding. Foto: Jan Kløvstad

Den enklaste vegen er å køyre til Haugås innanfor Frolands verk.

Der er det merka parkeringsplass for Allmannavegen og andre merka turløyper i området. Neste etappe er å følge merkinga langs Allmannavegen i retning Evje, som går på skogsbilveg til og gjennom hyttefeltet to kilometer lenger inn i skauen. Derifrå går Allmannavegen på den gamle stien.

POSTKASSE: På toppen kan du skrive deg i gjesteboka, eller registrere turen på Telltur. Foto: Sigmund Furre

Etter rundt ein kilometer er det midlertidig skilt til venstre, og så merka og rydda sti cirka 1,2 kilometer i lett terreng heilt fram til utkikkspunktet Høgsteinsheia. Dei aller sprekaste kan også gå inn frå Vigeland i Arendal.

FØRSTEMANN: Den første som gjekk den ferdigrydda løypa var Asle Gundersen frå Arendal (t.v.). Her saman med Svein Sivertsen og Tarjei Tverråen (t.h.) Foto: Jan Kløvstad

Dugnadsiver

Initiativet kom etter tur i Friluftslivets veke, med Kåre Haugaas som turleiar.

Sigmund Furre foreslo å finne ein trasé for å gi fleire lett tilgang til det fine utkikkspunktet. Han og Svein Sivertsen, som også er ein erfaren turgåar og dugnadsarbeidar, har tatt seg av all merking, og i tillegg bygt ei bru og festa tau i fjellet noen meter over ein skrent som kan vere glatt.

RYDDA: Tarjei Tverråen i parkavdelinga i Arendal kommune har rydda lyngen, mens Svein Sivertsen gjekk foran og slo gras. Foto: Jan Kløvstad

To frå Arendal kommune har vore med i ryddearbeidet, så det er ein godt synleg sti på rundt ein meters breidde heile vegen. Tarjei Tverråen i parkavdelinga i Arendal kommune har rydda lyngen, mens Svein Sivertsen gjekk foran og slo gras.

Framme på Høgsteinsheia er det både kode for registrering i Telltur, ei postkasse for dei som heller vil skrive i gjesteboka og veldig hyggeleg å sette seg ned på bakken og nyte utsikten.

KOMMUNEGRENSE: Sigmund Furre og Svein Sivertsen har bygd trygg bru over ein bekk, - faktsk ei bru mellom Froland og Arendal. Foto: Jan Kløvstad

Grunneier-heiing

Grunneigarane Karianne Haugaas Alne og Hermund Alne, Tor Einar Rønningen og Vigdis Wigeland har frå første sekund ikkje berre sagt ja til at det blir laga sti, men heia fram arbeidet med stor entusiasme.

SKILT: Starten frå Allmannavegen er merka med midlertidig skilt. Permanente skilt frå Friluftslivet Sør kjem på plass om kort tid. Foto: Jan Kløvstad

Dei aktive frolandsvandrarane Elin Nerdalen Stien og Jonny Østreim har registrert turen på GPS, og om ikkje lenge blir det også permanente skilt og registrering i alle digitale baser turfolk brukar for å finne stadig nye og flotte turmål.

God tur!