GLAD: Tvedestrandsordfører Marianne Landaas og professor Ernst Håkon Jahr. Foto: Knut Holt Sandblost

Kulturblomsten for stor innsats

Tvedestrands kulturblomst er gitt til Ernst Håkon Jahr.

Professor Ernst Håkon Jahr blei overraska med Tvedestrand kommune kulturblomst under det store jubileumsarrangementet for lærarutdanninga ved Holt seminar søndag.

– Stor innsats

Tvedestrandsordførar Marianne Landaas kalla fram Jahr og overrekte han kulturblomsten.

— Kulturblomsten er den kulturprisen vi gir til menneske som gjer ein stor innsats for Tvedestrand og kulturlivet, men som bur utanfor Tvedestrands grenser, sa Marianne Landaas.

Ho viste til det store arbeidet Ernst Håkon Jahr har utført og utfører både som rektor for Universitetet i Agder, preses i Agder Vitenskapsakademi, og som leiar av nemndene som har arbeidd med å løfte fram Andreas M. Feragen, Andreas Faye og Holt seminar.

Ny bok

Søndag var Jahr hovudaktøren i jubileumsseminaret og kåserte om Holt seminar, som utdanna 445 lærarar mellom 1839 og 1877, om seminarstyrar Andreas Faye og seminaret.

I tillegg presenterte han den nye boka Holt seminar 1839-1877, som han er hovudforfattar og medredaktør for.

Ernst Håkon Jahr gav ut biografien Andreas M. Feragen — "Skolemesternes konge" i fjor, nå artikkelsamlinga om Holt seminar og neste år kjem biografien Nybrottsmannen Andreas Faye.

120 kom

For alt dette er han nå heidra med Tvedestrand kommunes kulturblomst til ståande applaus frå dei over 120 frammøtte i jubileumsseminaret.

I gudstenesta tidlegare på dagen hadde prest Chistopher Woie latt Feragen, Faye og perioden med Holt seminar som første høgare utdanningsinstitusjon i Agder prege både preike, tekstlesing og salmeval.

Artikkelen er skrevet av Jan Kløvstad som har publisert denne via sideblikk.agderposten.no