Ulv: Illustrasjonsfoto.
Skal ha sett ulv
Ein bygningsarbeidar på veg til Bortelid oppdaga i dag tidleg ein ulv som kryssa riksvegen ved Røyland i Åseral på grensa mellom Vest-Agder og Aust-Agder, melder avisa Setesdølen på nett.
Ulven var i følgje observasjonen berre 3-4 meter frå bilen, og sjåføren måtte bremse ned for ikkje å køyre på rovdyret.
Viltansvarleg i Åseral kommune, John Olav Uleberg, seier til Setesdølen at han har kontakta saueeigarar i det aktuelle området og orientert om observasjonen. Det er mykje lam på heimebeitet i desse dagar. Også Statens Naturoppsyn er kontakta, men så tørt som det er i terrenget no, er det vanskeleg å registrere spor eller annan dokumentasjon på at ulven er i området, seier Uleberg til Setesdølen.
