Både fylket med sine fremste folkevalde, folk frå kriminalomsorgen og ikkje minst Evje og Hornnes kommune og Evjemoen Næringspark var sterkt til stades då fengselsbygget vart opna fredag.

Internat

Med fylkesordførar Laila Øygarden (Ap) i spissen fekk dei frammøtte sjå eit praktbygg der alt – og då meiner me alt, er på plass.
Celler, opphaldsrom og fellesareal, administrasjonsavdeling, bygget minnar meir om eit flott internat enn eit fengsel.

Smørblid ordførar

- Dette er ein gledens dag for kommunen. I nedgangstider, der ein ser nedlegging nasjonalt av så mange slag verksemder, er det gledeleg at me i staden kan stille opp på nyetablering. Fengselet og det signalet denne investeringa står for, kjem til å gje omseggripande verknader i kommunen og Setesdal elles i åra som kjem, meinte ordførar i Evje og Hornnes kommune, Bjørn A. Ropstad, under opninga.
- Eit praktbygg, ikkje meir eller mindre, sa ei blid Laila Øygarden, og slutta seg til ordførar Ropstad.