olberg har vitja både Bygland, Bykle og Valle denne veka, og fått med seg innspel om kraftpolitikk, utmarksforvaltning og ikkje minst scooterpolitikken.

Her er det jo bratt!

Solberg har to gonger tidlegare site på ein snøscooter – ein gong på Svalbard, og ein gong i Alta. Topografien der i nord, med mykje flate vidder, skil seg frå dalsidene i Valle.
Her er det jo bratt! kom det på klingande bergensdialekt, rett før avgang. Solberg hadde sikra seg stødig plass bak på scooteren ordførar Bjørgulv Sverdrup Lund i Valle skulle køyre innover Valle austehei med, med Neiretjønn som mål.
Eg ser fram til turen, og er veldig nøgd med vitjinga i Setesdal så langt, sa Erna Solberg, før scooteren gneldra og ordføraren gnudde på så snøføyken stod.

Midt i kjerneområdet

Og nettopp utfordringane med å kome seg til fjells vinterstid i Valle var noko av det høgrepolitikarane i Valle ville vise Erna.
-Det er bra at toppane sentralt ser korleis me har det, og kva utfordringar me møter. Det kan gjelde både scooterproblematikk, utmarksforvaltning, turisme og alt anna. Når Erna i dag får ei omvising og ein rundtur midt i kjerneområdet, veit me at det gjer meir inntrykk enn å lese om sakene, sa ein strålande blid Valle-ordførar før avgang.
Natta før turen lava det bokstaveleg tala ned – det kom meir enn ein halvmeter snø, noko som skulle legge alt til rette for at Erna Solberg fekk eit innblikk i korleis det er å fote seg i setesdalsheiane om vinteren.